4 Lines Sad Urdu poetry Latest Shayari 2023

4 Lines Sad Urdu poetry Latest Shayari 2023

شام فرقت

شامِ فرقت ڈھلے ہم نہیں چاہتے

غم سے فرصت ملے ہم نہیں چاہتے

پھر نیا وار سہنے کو تیار ہیں

تُو پریشاں رہے ہم نہیں چاہتے

ہم ترے بعد اُجڑے ہُوئے ٹھیک ہیں

اب کہیں دل لگے ہم نہیں چاہتے

تیرے پیکر کو ہم دیکھتے ہی رہیں

تُو نظر سے ہٹے ہم نہیں چاہتے

کس قدر دل نشیں ہے یہ موجوں کا شور

غم کا دریا رکے ہم نہیں چاہتے

اس قدر پیار سے تُو پکارا نہ کر

آگ دل کو لگے ہم نہیں چاہتے

4 Lines Sad Urdu poetry Latest Shayari 2023

محبت

ہم تیرے دل کی محفل سجانے آئے تھے

تیری قسم تجھے اپنا بنانے آئے تھے

تو نے انہی کو زخموں سے نوازا ہے

جو تجھے مرہم لگانے آئے تھے

کس بات کی سزا دی آخر اتنا تو بتا دے ظالم

ہم تو تیرے درد کو اپنا بنانے آئے تھے

توبہ

ہر ایک ہم کو ستانے پہ آگیا توبہ

ہمارا دل جو نشانے پہ آگیا توبہ

ہم اپنے پاؤں پہ خود ہی کھڑے ہوئے ہیں

مگر زمانہ ہم کو گرانے پہ آگیا توبہ

چراغ جان کے جس کو منڈیر پر رکھا

وہ میرے گھر کو جلانے پہ آگیا توبہ

ہماری انگلی پکڑ کر جو چلنا سیکھتا تھا

وہ آج ہاتھ اٹھانے پہ آ گیا توبہ

دکھایا اس کو ذرا سا جو ائینہ ہم نے

وہ شخص آنکھیں دکھانے پہ آگیا توبہ

ہر ایک شخص کے دیکھے ہزار روپ یہاں

دماغ اپنا ٹھکانے پہ آگیا توبہ

4 Lines Sad Urdu poetry Latest Shayari 2023

سوال یہ ہے

سوال یہ نہیں، تاروں میں روشنی کیوں ہے

سوال یہ ہے، کہ تاریک زندگی کیوں ہے

سوال یہ نہیں، کیوں دکھ کے سلسلے ہیں دراز

سوال یہ ہے، کہ اتنی سی یہ خوشی کیوں ہے

سوال یہ نہیں، آوارگی ہے میرا مزاج

سوال یہ ہے، مجھے رات ڈھونڈتی کیوں ہے

سوال یہ نہیں، درپیش مسئلے ہیں بہت

سوال یہ ہے، مجھے انکی آگہی کیوں ہے

سوال یہ نہیں، کس کو پکارتا ہوں میں

سوال یہ ہے، کہ آواز گونجتی کیوں ہے